بسم الله الرحمن الرحيم
بصراحة اناطقيت من الغيظ لمتي حنستحمل ظلم وتعصب الحكام ضدالملكي
للي ماشافوالمبارة يركزومعاي ايه يسووا فينا
يلا من الاول.....
هدف غير محتسب في الدقيقة 2
تسلل من خيال الحكم على هيجوايين نسبة دخوله المرمى 99 %
ضربة جزاء من خيال الحكم !
وبكل تأكيد إدارة اكثر من سيئة ، لو كانت صحيحة كان على الأقل
شفنا نص اتلتيك بلباو مطرودين !!
اكيد رح يجي البعض ويتحجج بلقطة مارسيلو !! ،،
بكل بساطة يا جماعة .. لو الحكم كان طبيعي هل مارسيلو كان دخل
هذه الدخلة ؟؟!
كل اللي اطلبه يا جماعة حيادية الحكام !
حبهم لمين .. ميولهم لمين ؟!
كلنا نعرفها .. لكن نطلب منهم يكونوا حياديين .. زي المعلقين
ما نلومهم لو عرفنا انهم يشجعوا أي فريق .. لكن نلومهم إذا بانت
ميولهم خلال المباريات !!!
( مهرج البرنابيو ) ما بين .. كاباروس .. والحكم !!
وأجمل لقطات المبارة .. تصفيق شوستر لـ كابارولس بعد ثورة الأخير
على الحكم وعلى شوستر !!
لسان حال شوستر يقول
’’ برافو كاباروس .. عملت اللي تبغاه وضحكت على الحكم ‘‘
ما عدى كثير على ثورة كاباروس .. إلا والحكم احتسب البلنتي
المسخرة اللي على هاينزه !
ومع كل كورة صار يصارخ .. انا الآن امنية حياتي اشوف وجه كاباروس وهو
يتابع المبارة معادة .. ويشوف كل لقطة عصب عليها وعلى قرار الحكم رغم انه
صحيح .. مثل اللي يقول ليها لمست يد مارسيلو ؟! أو التسلل المهزلة اللي عصب
انه ما انحسب بسرعة !!
بجانب حكم المبارة .. كباروس ينافسه على جائزة ’ مهرج البرنابيو ‘ !!
صوت الإدارة !
صوت الإدارة في الموضوع كان بإختصار
’’ مستحيل كل هذه الأخطاء مجرد صدف ! ليش بس الريال ؟
هدف غير محتسب وتسلل غير صحيح وركلة جزاء خيالية فقط في مبارة
واحدة ! هذا غير الاتلتيكو .. الراسينج واسبانيول ‘‘
اتمنى الفعل يا مياتوفيتش !
خصوصاً برفضهم رفع الإيقاف عن الرود بالطرد الظالم يؤكد
وجود ( ثلة ) فاسدة من الإداريين في الإتحاد الفاشل الإسباني !!!
فريق ( كرة القدم ) .. والنهاية ( الأمريكية ) !
ما بين ( إعجاز ) بيبي .. ( قتالية ) سلجادو .. ( روعة ) جاجو
يحسمها كالعادة ... البيبيتا !
بعد ما تكلمنا واعطينا الحكم وكاباروس اكبر من حجمهم جا وقت الأبطال
اللي حولوا الليلة إلى فيلم سينمائي امريكي .. النهاية دائماً سعيدة !
للأبطال اللي اليوم ما مثلوا ريال مدريد .. ابداً !!
اليوم مثلوا كرة القدم !
للأبطال اللي لعبوا للمرة الثانية على التوالي ضد 11 لاعب + حكم + إتحاد اسباني
فاشل متحيز بمعنى الكلمة !
كاسياس / ردّة الفعل بدأت تعود شيئاً فشيئاً لسابقها
مارسيلو / في النهاية ولأنك مدريدي .. انتصرت على الصغيرإيراولا !
بيبي / ملك وكبير .. يا معجزة !
هاينزه / سلملي على الحظ يا جابرييل !!!! ولأنك مدريدي انهيت المبارة مرفوع الرأس !
سلجادو / بطل الليلة .. 10 عَ 10 يا بطل !
جاجو / اااه على صناعة الهدف لـ هيجوايين .. غير المليون إفتكاك يا كبير !
شنايدر / اللاعب الأبرز في الوسط !
فارت / ضائع !
روبـن / اناني !
هيجوايين / وقت الحسم مالك إلا .. البيبيتا !
راؤول / لك كم لمسة حلوة ! .. لكن المسألة إمكانيات يا رجُل !
جوتي / عودة حميدة غير مطالب فيها بأي مستوى !
ديارا / كبير يا مامادو
سافيولا / دخول جميل لأرضية الملعب
بكل بساطة .. ارحمني يا ( حظ ) !
كورة شنايدر الشوط الأول
كورة هيجوايين الشوط الثاني
كورة هاينزه الشوط الثاني
طبعاً هنا اتكلم عن الكور اللي دقت في القائم أو العارضة !
هذه كلها شفناها مع ضغط مستحيل .. وما خليناهم لا هم ولا الحكم
يتنفسوا طول مجريات الشوط الثاني ..
وهم بكل بسطة .. ومن هجمة ميتة تسديدة عادية وفي النهاية
في القائم !!
بكل بساطة
’ ارحمني يا حظ ‘ !!!
عظمة الريال .. تجسدت اليوم في ( سلجادو ) !!!
راموس .. بكل بساطة اليوم عرفت مين هو الريال !
قبلك روبينيو اخذ الدرس قاسي !
مو بدونه وبس .. لا بدون لاعبين حتى على ارضية الملعب وبـ 9 لاعبين
ظهر وكانه بـ 15 على قول فارس عوض !
الريال عمره ما يعتمد على 1 .. الريال أكبر من الجميع !
طبعاً كلامي ماهو فقط بسبب تصريحه الأخير !
ولكن بسبب كلمة ذكرني فيها ابو داحم اليوم ..
( الرجل كل صيفية يساوم في الريال )
ويأكد انه عرض جا من الميلان .. وثاني جا من مانشيستر !
مهما كنت رائع .. ومن أفضل 2 في مركزك من بعد مايكون !
الريال يلعب بـ سلجادوووو يا راموس .. ولا يلعبك !
ورائع انت يا جمهور السانتياجو !
كبير انت يا جمهور السانتياجو !
حبيب الأمس .. عدو اليوم !
لأنه بكل إختصار ما احترم ( حياتهم ) ريال مدريد !
اتعدى على اللي تبغاه .. لكن لا تخسر حب الجماهير !
اللي تعمله في ( مواسم ) .. تخسره في موسم واحد !
من مبارة وحدة .. وعلى طول من بعد تصاريحك ،
سلجادو يلقى إحترام الجماهير بقتاليته .. وحماسه .. ولعبه
بالروح !!
اليوم سلجادو ما كان يمشي على رجوله !
اليوم سلجادو كان يمشي على ( روح ) لها 106 سنوات !!!
مافي كبير .. على الريال !
يا رمواس !!
رؤوس اقلام !
. عبارة الماركا ’ لا يرغبون بفوز الريال بلقب ليجا ثالث ! ‘ ترددت كثير في ذهني طول المبارة !
. بين الشوطين قلت لـ سعود ومازن ، الريال مستحيل يخيب جماهيره .. وكعادته رح ينهي المبارة رافع الراس !
. جميل كلام الماركا عن مبارة اليوم ’ ريال مدريد يعاني ! ولكن لا يصرخ ! ‘
. البيبيتا يعود سريعاً لمستواه .. بعد كم مبارة سيئة اليوم ينقذ الليلة وحيداً في خط الهجوم !
. روبـن لازم تنهي انانيتك .. وتحسن تمريراتك ! ارجووووك !!
عودة جميلة لديارا ، وبإنتظار عودة أجمل لـ ديلاريد يا شوستر !
. بعد هدف بلباو الثاني .. المسكين إيراولا يروح يصفق مارسيلو كف !
كانه الهدف اخر المبارة !! ولا يدري انه شوط في البرنابيو يساوي صعوبة
مباريات الليجا كاملة الصغير !!
. خارج الليجا وبخصوص خسارة تشيلسي لأول مرة من 2004 في ارضه ، في خبر انه بهذه الهزيمة فشل في تحطيم رقم ريال مدريد القياسي ، سؤالي هنا للجميع .. هل فيه رقم قياسي في كرة القدم ريال مدريد ماله علاقة فيه ؟؟!
. ننتظر حرب من الماركا والأس على الإتحاد الفاشل !
. ننتظر ردة فعل حقيقية من الإدارة على هذه المهازل !
. 6 نقاط اتلتيكو مدريد + اتلتيك بلباو ! تؤكد إستمرار ( روح ) الريال عكس
ما حب البعض يفسر !
